24.06.2013
363 дена поминати по последното нешто напишано на Блог….
675 или 758 или 1235………или којзнае колку поминати денови од првото нешто напишано на Блог…
Период на сремежливи почетоци, периоди на охрабрување и по-интензивно пишување, периоди на апстиненција, периоди на чекање коментари и критики….периоди на кулминација на Блог културата…периоди на постепено пре-заситување на Блогот сам од себе, период на масовен блогизам….период на апстиненција….период на постепено исчезнување на стари познати блогери…. период на преселба на блог ….период на заборав……………………………………………..празнина…….период на тотална отсутност од светот и животот ….и од Блог….и од Бог………..
Период за кој јас и ти, а можеби и некој друг воопшто незнаеме каде го поминавме, каде го поминавте…….каде бевме цело ова време?
Период на тотална изгубеност……..период на лазење по земја……период на состојба на мозокот идентична на Алцхајмер…периоди на духовна слабост…….беда……рутини и работа…..Период на канализирање на сета душева енергија во стегите на моето и на твоето проклето општество…..Период на душевни стеги и на етничко чистење на сите со мозочна вродена мана дијагностицирана како “креативност”….Период на изгубено време, празно зјапање по ѕидови, одење по деловни состаноци, по некое службено патување ваму и таму….период поминат на пат, плаќање патарини или пазарување во Тинекс….период на седење во Чаршија и експериментирање со аеронаутика – во смисла дали со прекумерно полнење на стомакот со пиво човек може да полета??? Прв обид, втор обид, трет обид…..три илјади дваесет и трети обид….Нема полетување…..
Докажано!
Со пиење пиво човек не може да полета!!! …Иако одредени практично докажани обиди укажуваат на можноста на духовно полетување во сфери надвор од секојдневните, можност за привремено залутување до други области и локали, до Балет или Ла кања, до Абсинт бар или Менада…..До Гоце, Даме, Филип, Александар и Понтиј Пилат на плоштад…..
Период на само-умирање, период на бледеење, на дебелеење и пропуштање на мојот и твојот живот низ прстите на раката, баш онака како што ги пропуштаме зрнцата песок на плажите во Платамона, Калитеа, Касандра или Ситониа.
Драги мои…………Период на губење на животната енергија и изучување на езотеријата и мистичното….период на милион и три изгледани документарни филмови за Египет и Атлантида, за Лемурија и Платон, за НЛО и Андромеда, за Филип Лазар и Алекс Џонс, за Обама и Путин, за Буш, Клинтон, Тони Блер Илуминатите и групата Билдерберг….за трговијата со дрога, луѓе и кинеска роба….за ЦИА, НСА, НАСА, МИ6 и шпиунирањето на интернет, за Грујо и Бранко, Миле, Тошо и Цацко, документарци за Античка Македонија и за летечките чинии во битките на Александар….за Хунзите и Калашите, за Марина, Паско Кузман и Амди Бајрам….Документрци за Фејсбук, Гугл, за Жулиен Асанж и Масоните во Македонија….Документарци………
Милион и три изгледани документарни филмови за све и свашта, за Буњаковец и Чаршија, за Чаир и Црниче, од Карпош до Лисиче, од Пакистан до Тексас, за Миг21, Ф-117, Торнадо, Раптор и хеликоптерите на МВР, за Грција и Македонија, за Византија, Рим, архивите на Ватикан, Арапите во Шпанија, Евреите во Холандија, за Милтон Манаки и Битола, за Џингис Кан и Пане Андов (www.paneandov.com) за Сведенборг и св.Петар и Павле и Паљурци крај Дојран, за све и свашта……
Драги мои………време на документарци и време на акање по Скопје со Љупка, Абаз, Љубомир и Милан, време на седење на шанк со Далила и Гиш карши улицата, со Морнарот од Ла кања кој пие млеко, со џамиите и кикириките, со кебапчиња во Турист, со калдрмата и уличните светилки со златарската улица, Галерија 7 и 8….со галерија 6, 5, 4,3,2, и 1….со галерија на мигови, мои и твои, наши и Ваши….со калеидоскопот на моите и туѓите фрагментирани сеќавања и искршени илузии и надежи….глупости и радости и со ….со…..со….и со што и да е…..
Три….два….еден……….нула…
Помина мојот ред….сега е ред на Вас….еден …..два …..три……ред е да мижеш и ТИ!
No comments:
Post a Comment